作者：春麗
｜欄目：#見上帝前走多轉｜
聖經說：『人活著不是單靠食物，而是靠神口裡所出的每一句話。』」馬太福音四章四節。
選擇離開一個地方，去地球另一邊生活/生存，還原了先尋覓做人最基本需要的事情。
透過看YouTube或者加不同群組都會接收到好重要的資訊，離不開最多人問都係衣食住行陽光空氣…
「請問呢區好唔好住？治安會唔會太差？校網如何？」
「請問呢度買雞使唔使掹雞毛？」
「請問大家用邊條路缐帶啲貓狗走啊？」
「呢度成日落毛毛雨最好帶件好啲嘅乾濕褸！」
「請問嗰度飲啲水係硬水定軟水？」
「有冇三房一廳可以養小動物嘅房出租？」
「呢度買車保險貴唔貴？」
「記得買個電飯煲跟身如果唔係冇飯食！」
「未有地址可唔可以申請學校？」
（下刪10000條衣食住行問題）
人生路不熟，出外靠朋友，網絡媒體年代，網上資訊幫咗好多準備離開香港嘅人。當然，不同消息係需要自己fact check，但至少，比起以前，已經方便了很多。
網絡公共空間，集體建構一套快速而又越來越精準的資訊系統，餵養咗好多衣食住行陽光空氣日常生活需要的寶貴資源。
不過，安頓生活之後，其實都要找些時間處理自己和家人的內心情緒及好多價值觀的重整，衣食住行影響生活同生存，那生命呢？
有機會靜下來的時候，試一個簡單嘅祈禱，上帝一直喺度在意緊您嘅內心，你嘅生命。
祝福您，衣食無憂。
「因此，不要為明天憂慮，明天自有明天的憂慮。要知道，每一天自有它的難處，這已經夠了。」 馬太福音6章34節
